भारतीय क्रिकेटमा आरआरआर कमाल, अष्ट्रेलिया इनिङ्ससहित पराजित
हाम्रा कुरा
प्रकाशित २०७९ माघ २८ शनिबार
1.3k
Shares
काठमाडौं । अष्ट्रेलियाविरुद्धको पहिलो टेष्ट क्रिकेटमा भारतले शानदार जित हासिल गरेको छ । भारत एक इनिङ्स र १३२ रनले विजयी भएको हो । भारतले तेस्रो दिनको पहिलो इनिङ्समा अष्ट्रेलियालाई ९१ रनमै रोकेसँगै भारतले ठूलो सफलता हासिल गरेको हो ।
अष्ट्रेलियाका लागि स्टेभेन स्मिथले अविजित रहँदै २५ रन बनाए । भारतका लागि रविचन्द्रन आश्विनले ५ तथा मोहम्मद शामीले २ तथा रविन्द्र जडेजाले २ विकेट लिए ।
त्यसअघि पहिले ब्याटिङ गरेको अष्ट्रेलियाले १७७ रन बनायो । भारतका लागि जडेजाले ५ तथा आश्विनले ३ विकेट लिए ।
जवाफमा भारतले चार सय रन बनायो । कप्तान रोहित शर्माले १२० रन बनाए । त्यस्तै अक्षर पटेलले ८४ तथा जडेजाले ७० रन बनाए ।
नागपुरमा भएको खेलमा भारतका तीन आर (आरआरआर) ले कमालको प्रदर्शन गरेका हुन् । राेहित, आश्विन र जडेजाले कमाल देखाएका हुन् । जडेजा प्लेयर अफ द म्याच भए । योसँगै चार खेलको टेष्ट श्रृंखलामा भारतले १–० को अग्रता लिएको छ ।
