-
-
-
-
काठमाडौं । यौन हिंसाको आरोप लागेका न्यायाधीश भुवन गिरीलाई कारबाहीको माग गर्दै महिलाहरु नयाँ बानेश्वरस्थित संसद् भवन अगाडि प्रदर्शनमा उत्रिएका छन् ।
सो क्रममा उत्रिएका सहभागीहरूलाई प्रहरीले पक्राउ गरेको छ । चार जना महिलालाई प्रहरीले पक्राउ गरेको हो । संसद् बैठक चलिरहँदा यौन हिंसाको आरोप लागेका कपिलवस्तु जिल्ला अदालतका न्यायाधीश गिरीलाई कारबाहीको माग गर्दै संसद् भवन बाहिर सडकमा केही महिलाहरूले विरोध प्रदर्शन गरेका थिए ।
गिरीकी श्रीमती आरती गिरी रावल सहितका महिलाहरूले बुधबार दिउँसो प्रदर्शन गरेका थिए । प्रहरीले गिरीकी श्रीमतीसहित चार जना महिलाहरूलाई पक्राउ गरेको हो ।
गिरी यसअघि सर्वाेच्च अदालत अगाडि पनि प्रदर्शनमा उत्रिएकी थिइन् ।
