काठमाडौँ । राष्ट्रिय प्रजातन्त्र पार्टी नेपालका तत्कालीन महामन्त्री चन्द्रबहादुर गुरुङको प्रथम वार्षिक स्मृतिसभा भएको छ ।
पार्टीको केन्द्रीय कार्यालय धुम्रबाराहीमा आइबार आयोजित सभामा पूर्वमहामन्त्री गुरुङले मुलुकको राजनीतिक विकासक्रममा पु¥याएको योगदानको स्मरण गरियो ।
पार्टी अध्यक्ष कमल थापाले गुरुङ निष्ठावान् तथा आदर्श राजनीतिज्ञ भएको स्मरण गर्दै गुरुङले देश र जनताको सेवालाई केन्द्रमा राखेर कार्य सम्पादन गरेको बताए ।
उनले मुलुक अहिले अप्ठ्यारो अवस्थामा रहेकाले वैदेशिक हस्तक्षेप बढ्दै गएको छ भन्दै सबै राष्ट्रवादी शक्तिको एकताको खाँचो औँल्याए ।
पार्टीका उपाध्यक्ष टङ्क ढकाल र निरञ्जन थापाले महामन्त्री गुरुङले सङ्गठन निर्माणमा खेलेको भूमिकाका बारेमा बताउँदै संविधान संशोधनको औचित्य नरहेको प्रष्ट पारे ।
