काठमाडौं । मालपोत कार्यालय सिरहाका प्रमुख ज्ञानराज लम्साल सेवाग्राहीबाट ४० हजार घुस लिँदा लिँदै पक्राउ परेका छन् ।
कार्यालयमै विवादित जग्गाको मामिला मिलाइदिने भन्दै लम्सालले ४० हजार घुस मागेको र घुस लिँदा लिँदै अख्तियार दुरुपयोग अनुसन्धान आयोगको टोलीले नियन्त्रणमा लिएको सहकर्मी सत्यनाराण चौधरीले जानकारी दिए ।
लम्सालले सिरहा नगरपालिका –१३ का दीपु साहबाट ४० हजार घुस लिएका हुन् ।
अख्तियारका प्रवक्ता गणेश राज कार्कीले सिरहामा इटहरीको कार्यालयले हेर्ने बताउँदै आफु कहाँ मालपोत कार्यालय प्रमुख पक्राउ परको खबर आएको तर, थप विवरण आउन बाँकी रहेको बताएका छन् ।