काठमाडौं । इलामको माइखोलामा भएको डुंगा दूर्घटनामा अहिलेसम्म ५ जनाको ज्यान भएको छ । ४० जना भन्दा बढी यात्रु बोकेको आशंका गरिएको उक्त डुंगा पल्टीँदा एक जना बालक सहित दुई पुरूष र दुई जना महिलाको मृत्यु भएको जिल्ला प्रहरी कार्यालय इलामले जनाएको छ ।
कार्यालयले दिएको जानकारी अनुसार कैंयौंको संख्यामा यात्रुहरू हराईरहेका छन् तर कति संख्यामा यात्रु हराईरहेका छन् भन्ने यकीन भएको छैन । अहिलेसम्म ३१ जनाको उघार गरिएको पनि कार्यालयका प्रमुख एसपी सुशील कुमार यादवले जानकारी दिए ।
‘कतिको संख्यामा हराईरहेका छन् चन्ने अझै यकीन भईसकेको छैन ।’ उद्दारको लागि थप प्रहरी स्थानीय र नेपाली सेना समेत घटनास्थल तर्फ लागेको पनि यादवले जानकारी दिए ।
स्थानीयका अनुसार पुल पनि नरहेको र खोला तर्नको लागि सधैंभरी ढुङ्गाको प्रयोग गर्नुपर्ने बाध्यता रहेको उक्त स्थानमा अहिले पुल बन्ने काम भईरहको छ । तर यो पुल समयमा नै बन्न नसक्दा यात्रुहरू डुङ्गामा जोखिमपूर्ण यात्रा गर्न बाध्य हुने गरेका छन् ।
