-
-
-
-
सिन्धुली । पारिवारिक मेलमिलाप र घरेलु हिंसा अन्त्य गर्ने उद्देश्यले यहाँको फिक्कल गाउँपालिकाले सासू-बुहारीलाई सम्मान गरेको छ ।
गाउँपालिकाको आर्थिक वर्ष २०७९-८० को वार्षिक कार्यक्रमअन्तर्गत छवटा वडाका छ जोडी सासू-बुहारीलाई सम्मान गरेको हो ।
यस वर्ष पनि फिक्कलले गाउँपालिकाभित्रका उत्कृष्ट सासू-बुहारीलाई सम्मान गरेको गाउँपालिका उपाध्यक्ष राजु बरालले जानकारी दिए ।
सम्मानित हुनेमा वडा नं १ का मुसीमाया कामी, अन्जना विक, वडा नं २ का बालकुमारी मगर, गङ्गाकुमारी मगर, वडा नं ३ का कल्पना कुमारीश्रेष्ठ, मुना श्रेष्ठ, वडा नं ४ का मैया आले र लीलाकुमारी मगर, वडा नं ५ शिवकुमारी घिमिरे, पार्वती घिमिरे र वडा नं ६ का बुद्धमाया मगर र जमुना मगर रहेका छन् ।
गाउँघरमा सासू-बुहारीको सम्बन्धलाई नकारात्मक दृष्टिले हेर्ने परिपाटीलाई न्यूनीकरण गर्ने उद्देश्यले समाजमा रहेका अनुकरणीय सासू-बुहारीलाई गाउँपालिकाले हरेक वर्ष सम्मान गर्दै आएको बरालले बताए ।
