-
-
-
-
काठमाडौं । भारतीय भूमिमा पाकिस्तानी क्रिकेट टोलीले सात वर्षपछि क्रिकेट खेल्ने भएको छ ।
आईसीसी पुरुष क्रिकेट विश्वकप २०२३ मा भारत र पाकिस्तानबीचको बहुप्रतिक्षित खेल भारतको अहमदाबादमा हुने पक्का भएको हो ।
भारत-पाकिस्तान बीच आइतबार अक्टोबर १५ मा अहमदाबादको नरेन्द्र मोदी स्टेडियममा खेल हुनेछ ।
अन्तर्राष्ट्रिय क्रिकेट काउन्सिल (आईसीसी)ले अक्टोबर ५ बाट सुरु हुने ५० ओभरको ढाँचाको प्रतियोगिताको मंगलबार तालिका सार्वजनिक गरेको छ ।
भारतले सात वर्षपछि पहिलो पटक ५० ओभरको विश्वकप खेलका लागि पाकिस्तानको क्रिकेट टोलीलाई स्वागत गर्ने भएको छ ।
पुरुष विश्वकपमा दुई पक्षबीचको यो आठौँ खेल हुनेछ। भारत र पाकिस्तान यसअघि सन् १९९२, १९९६, १९९९, २००३, २०११, २०१५ र २०१९ गरी सात पटक आमनेसामने भएका छन् ।
भारतले अघिल्ला सात खेलहरू आफ्नो पोल्टामा पारेको छ ।
