-
-
-
-
काठमाडौँ । मूलपानी क्रिकेट मैदान (एमसीजी) को नाम परिवर्तन गरी जयकुमार शाह अन्तर्राष्ट्रिय क्रिकेट मैदान राखिएपछि स्थानीयले विरोध गरेका छन् ।
नेपाल क्रिकेट संघ (क्यान)को शुक्रबार बसेको बैठकले माथिल्लो मूलपानी क्रिकेट मैदानको नयाँ नामकरण गर्दै क्यानका संस्थापक तथा पूर्व अध्यक्ष जयकुमारनाथ शाहको सम्मानमा नामकरण गरेको हो ।
सोही मैदानको नाम परिवर्तन गरिएपछि स्थानीय भने आक्रोशित भएका छन् । उनीहरुले भएकै नाम यथावत् राख्नुपर्ने मागसमेत गरेका छन् ।
गत बैशाखमा एसीसी प्रिमियर कपमा हङकङ र सिंगापुरसँगको खेलबाट माथिल्लो मूलपानी क्रिकेट मैदानमा पहिलो पटक अन्तर्राष्ट्रिय खेल भएपछि त्यस मैदानले अन्तर्राष्ट्रियकरण हुने मौका पाएको थियो ।
लामो समयदेखि बन्न शुरु गरेको भए पनि अझै पनि पूरा नभएको सो खेल मैदानलाई पूर्णता दिनका लागि सरकारले पनि यस आर्थिक वर्षमा सहयोग प्रदान गरेको छ ।
