बेइजिङ । चीनमा महिला कामदारलाई निजी कम्पनीमा सकस बढ्दै गएको छ । उनीहरुलाई जागीर बचाउन दैनिक आफ्नो मालिकलाई रिझाउनु पर्ने हुन्छ ।
त्यो पनि खुलेआम सबै कामदारको सामुन्ने आफ्नो बोसलाई मुख जोडेर चुम्मा खानुपर्ने हुन्छ । यदि बोसको मुखमा मुख जोडिएन भने अर्को दिन मुखमा दानापानी बन्द हुने खतरा उत्तिकै छ ।
कारण के भने यदि बोसलाई चित्त बुझेन भने जुनसुकै बेला ती महिला कामदारले घरको बाटो तताउनु पर्ने हुन्छ ।
त्यसो त ती कम्पनीका बोसले भने ‘माहोल राम्रो बनाउन यो परम्परा सुरु गरेको हुँ’ भन्छन् । उनले एक अमेरिकी कम्पनीबाट यो कुरा सिकेकोसमेत स्पष्टिकरण दिएका छन् ।
ती कम्पनी मालिकले कतिपय महिला कामदारले काम छोडेर गइसकेपछि पनि आफूलाई मिस गरिरहेको गुनासो गरेको ठोकुवासमेत गरेका छन् ।
माहोल उनका लागि राम्रो होला तर ती कामदारले दैनिक परपुरुषलाई किस गर्नुपर्दा हुने पीडा कसले बुझिदेओस् ।
यो घटना चीनको राजधानी बेइजिङको तोन्गझोउ जिल्लाको होम ब्रेबरी मेसिन बेच्ने कम्पनीको हो । यसको भिडियोसमेत बाहिर आएको छ ।
सो भिडियोमा महिलाहरु बिहान लाइनमा लागेर बोसलाई किस दिंदै आएका छन् ।
यो घटना सार्वजनिक भएपछि आममानिसमा आक्रोश बढेको छ । चिनियाँ प्रेसका अनुसार आफ्नो जागीर बचाउन ती महिलाहरुले मालिकको परम्परालाई पचाउनु परेको छ ।
यो परम्परा स्वीकार नगर्ने दुई जना केटीहरुलाई भने बोसले तत्काल जागीरबाट हटाएका थिए ।
मिडिया रिपोर्टका अनुसार सो कम्पनीमा आधा बढी कामदार महिला छन् । ती महिला कामदारमा पनि अधिकांश अविवाहित केटीहरु छन् ।
