वरिष्ठ न्युरो सर्जन पन्त साहित्य सन्ध्या कृबा पुरस्कारबाट सम्मानित
हाम्रा कुरा
प्रकाशित २०८० भदौ ४ सोमबार
1.8k
Shares
काठमाडौँ । वरिष्ठ न्युरो सर्जन डा बसन्त पन्तलाई यस वर्षको साहित्य सन्ध्या कृबा पुरस्कार प्रदान गरिएको छ ।
राजधानीमा भएको एक कार्यक्रमबीच सांसद रघुजी पन्तले डा पन्तलाई पुरस्कार प्रदान गरे । सो सम्मानपछि डा पन्तले पुरस्कार ग्रहण गरेपछि जिम्मेवारी अझ थपिएको बताए ।
उनले आम नेपालीको स्वास्थ्यका लागि आफू थप जिम्मेवार ढंगले लाग्नेसमेत बताए ।
नेपालको चिकित्सा क्षेत्रमा डा पन्तले पुर्याएको योगदानलाई सम्मान गर्दै यस वर्षको कृबा पुरस्कारबाट सम्मान गरिएको साहित्य सन्ध्याले उल्लेख गरेको छ ।
साहित्य सन्ध्या कृबा पुरस्कार कृष्णचन्द्र सत्याल र बालकुमारी सत्यालको नामबाट स्थापना गरिएको हो ।
साहित्य क्षेत्रमा विविध गतिविधि गर्ने उदेश्यले ४० वर्षअघि स्थापित साहित्य सन्ध्याले २०७४ सालदेखि चिकित्सा क्षेत्रमा उत्कृष्ठ योगदान दिने एक जना व्यक्तित्वलाईसमेत सम्मान गर्न थालेको थियो ।
