कोशीमा मणिपुरमा जस्तै जातीय दङ्गा भड्काउन खोजिएको मुख्यमन्त्रीको आरोप
एमालेले हार्ने सिट सङ्ख्या थोरै मात्रमा रहेको दाबी
हाम्रा कुरा
प्रकाशित २०८० असोज ७ आइतबार
841
Shares
काठमाडौं । कोशी प्रदेशका मुख्यमन्त्री हिक्मतकुमार कार्कीले कोशी नामकरणविरुद्ध जबरजस्ती आन्दोलन उठाइएको बताउँदै उनले स्थानीय स्तरबाट आन्दोलन उठ्न नसकेपछि अहिले विदेशीको सहयोगमा काठमाडौँदेखिका मानिस ल्याउन थालिएको दाबी गरेका छन् ।
शनिबार एक कार्यक्रममा उनले यहाँ पनि भारतको मणिपुरमा जस्तै जातीय र सामुदायिक दङ्गा भड्काउन केही शक्तिले खोजिरहेको आरोप लगाएका छन् ।
तत्कालीन प्रदेश नं १ को कोशी नामकरण ठिक भएको तथा यसबाट डराउनुपर्ने अवस्था नरहेको पनि उनले बताए । उनले कोशीमा एमालेले हार्ने सिट सङ्ख्या थोरै मात्रमा रहेको दाबी पनि गरे ।
मुख्यमन्त्री कार्कीले भने, “कोशी नामकरणको विषयमा सिङ्गो एमाले जसरी जुरुक्क उठ्नुपर्थ्यो, त्यसरी उठेन, बरु एमालेका कतिपय कार्यकर्ता नामकरणको विरोधमा लेख्ने र बोल्ने काममा सहभागी भएको पाइयो ।”
