-
-
-
-
काठमाडौँ। त्रिभुवन विमान स्थलमा बरामद गरिएको सुन प्रकरणका आरोपीमाथि आजदेखि थुनछेक बहस हुदैछ ।
काठमाडौँ जिल्ला अदालतका न्यायाधीश माधवप्रसाद मैनालीको इजलासमा २६ जना प्रतिवादीको बयान हिजो सकिएसँगै आजबाट थुनछेक बहस सुरु हुने भएको हो ।
गत महिना काठमाडौँको सिनामङ्गलबाट ६० किलो सात सय ग्राम सुन बरामद गरिएको थियो । उक्त प्रकरणमा संलग्न प्रतिवादीको मङ्गलवार बयान सकिएसँगै आजदेखि थुनछेक बहस सुरु हुने जिल्ला अदालत काठमाडौँका सूचना अधिकारी दीपक दाहालले जानकारी दिए ।
