काठमाडौं । नेपालले टी- २० क्रिकेटमा माल्दिभ्सलाई हराएको छ । १९ औँ एसियाली खेलकुद (एसियाड) मा नेपाली राष्ट्रिय क्रिकेट टिमले माल्दिभ्सलाई १३८ रनले हराएको हो ।
योसँगै नेपाल क्वाटरफाइनलमा पुगेको छ ।
टस जितेर पहिला ब्याटिङ रोजेको नेपालले निर्धारित २० ओभरमा ७ विकेट गुमाउँदै २ सय १२ रन बनाएको थियो ।
जवाफमा उत्रिएको माल्दिभ्स १९.४ ओभरमा सबै विकेट गुमाउँदै ७४ रनमा समेटिएको हो।
खेलमा तीव्र गतिका बलर अभिनाश बोहराको ६ विकेट लिएका थिए ।
खेलमा कप्तान रोहित पौडेलले २७ बलमा ३ चौका र ३ छक्कासहित सर्वाधिक ५२ रन बनाएका थिए ।
कुशल मल्ल २० बलमा ३ चौका र ३ छक्कासहित ४७ रनमा नटआउट रहे ।
दीपेन्द्र ६ रनमा आउट हुँदा सोमपाल कामी एक बलमा एक रन बनाए ।
यसअघि, ओपनर कुशल भुर्तेलले १८ बलमा ३५ रन बनाउँदै नेपाललाई राम्रो सुरुवात दिलाएका थिए ।
भुर्तेलले ५ चौका र १ छक्का प्रहार गरे । गुल्शन झाले पनि समान ३५ रन बनाए ।
उनले २१ बलको सामना गर्दै १ चौका र तीन छक्का प्रहार गरे ।
यसअघि नेपाललेले मङ्गोलियाविरुद्ध ३१४ रनको विशाल रन बनाएर टी- २० मा धेरै रनको रेकर्ड बनाएको थियो ।
