-
-
-
-
काठमाडौं । भौतिक पूर्वाधार तथा यातायात मन्त्री प्रकाश ज्वालालाई पूर्वाधार विकास समितिले डाकेको छ ।
दशैँ, तिहारजस्ता चाडपर्वलाई लक्षित गर्दै यातायातको व्यवस्थापनबारे सचेत गराउन मन्त्रीलाई समितिले डाकेको हो ।
असोज १७ गते बुधवार बस्ने समितिको बैठकमा मन्त्री ज्वालासहितका भौतिक पूर्वाधार तथा यातायात मन्त्रालयका पदाधिकारी उपस्थित हुन समितिका सभापति दीपकबहादुर सिंहले निर्देशन दिएका छन् ।
बैठकमा मन्त्री ज्वाला समक्ष समितिका सदस्यहरूले दशैं, तिहारजस्ता चाडपर्वमा घर जाने यात्रुहरूका लागि आवश्यक यातायातको व्यवस्था गर्ने सम्बन्धमा ध्यानाकर्षण गराउने पनि सो समितिले जनाएको छ ।
पहिरोले तहसनहस बनाएका सबै सडकहरू पुनर्निर्माणको काम छिटो सम्पन्न गर्नका लागि मन्त्रीसँगै उनीहरूले पहल गर्नेछन् ।
