- सुन चाँदी दर
- विनिमय दर
- नेपाली पात्रो
- राशिफल
काभ्रेपलाञ्चोक । बनेपा नगरपालिका साँगामा आगलागी भएको छ । बिहान १०ः४५ को समयमा पुरानो साँगा बस्ने बद्रिनाथ जोशीको घरमा आगलागी भएको हो ।
ईँटा र जस्ताले छाएको ३ तले घरमा भान्छाकोठाको ग्यास लिग भएर आगलागी भएको प्रहरीको भनाइ छ ।
आगलागी भएको खबर पाउनासाथ तत्काल प्रहरी चौकीबाट प्रकाश थापाको कमाण्डमा खटिएको ७ जनाको टोली, जिल्ला प्रशासन कार्यालय काभ्रेबाट प्रहरी उपरीक्षकको कमाण्डमा खटिएको ७ जनाको टोली र इलाका प्रहरी कार्यालय बनेपाबाट खटिएको टोलीको संयुक्त प्रयासमा आगो नियन्त्रणमा लिइएको प्रहरीले जनाएको छ ।
घटनास्थलमा बनेपा नगरपालिका, धुलिखेल नगरपालिका र भक्तपुर नगरपालिकाको दमकलसमेतको मद्धतले १२ः३५ बजेको समयमा आगो पूर्णरुपमा नियन्त्रणमा आएको जिल्ला प्रहरी कार्यालय काभ्रेपलाञ्चोकका प्रवक्ता राजकुमार श्रेष्ठले जानकारी दिए।
आगलागीबाट अन्दाजी एक करोड रुपैयाँ बराबरको क्षति भएको छ ।