-
-
-
-
काठमाडौँ । नेपाल सुपर लिग २०२३ शुरू भएको छ । दशरथ रंगशालामा शुरू भएको लिगको उद्घाटनमा साविक विजेता काठमाडौँ रेजर्सले विजयी शुरूआत गरेको छ ।
काठमाडौँले नवप्रवेशी स्पोर्टिङलाई १–० ले पराजित गरेको हो । सब्टिच्युट राजीव लोप्चनले ५१ औं मिनेटमा गोल गरे । कर्नरमा क्लियर नभएको बलमा उनले नजिकको दूरीबाट बललाई गोलमा परिणत गरेका हुन् ।
उद्घाटन खेलअघि सांगीतिक र नृत्यको प्रदर्शनबाट उद्घाटनलाई थप मनोरञ्जक बनाइएको थियो । उपप्रधान तथा रक्षा मन्त्री पूर्णबहादुर खड्काले प्रतियोगिताको उद्घाटन गरेका थिए ।
दोस्रो संस्करणमा नौ टिमको सहभागिता रहेको छ । शीर्ष चार टिम अर्को चरणमा पुग्ने छन् ।
