-
-
-
-
काठमाडौँ । यूएईमा जारी एसीसी यू-१९ एसिया कप क्रिकेटको उपाधिका लागि अहिले आयोजक र बंगलादेश भिडिरहेका छन् ।
दुबईस्थित दुबई इन्टरनेसनल क्रिकेट स्टेडियममा जारी खेलमा यूएईले टस जितेर पहिले बलिङ गरिरहेको छ ।
शुक्रबार भएका सेमिफाइनलमा यूएईले पाकिस्तानलाई र बंगलादेशले भारतलाई पराजित गर्दै फाइनलमा पुगेका हुन् ।
यूएईले पाकिस्तानलाई ११ रनले पराजित गरेको थियो भने बंगलादेशले भारतलाई ४ विकेटले पराजित गरेको थियो ।
दुवै टिम अप्रत्याशित रुपले फाइनलमा पुगेका हुन् । ८ देशले भाग लिएको प्रतियोगिताको समूह एमा नेपालसहित भारत, पाकिस्तान र अफगानिस्तान रहेका थिए ।
अर्को समूह बंगलादेश, श्रीलंका, यूएई र जापान रहेका थिए । नेपालको समूहबाट भारत र पाकिस्तान तथा दोस्रो समूहबाट बंगलादेश र यूएई सेमिफाइनलमा पुगेका थिए ।
नेपालले समूह चरणका सबै तीन खेल हारेको थियो ।
