गठबन्धनमा लाग्यो सिटको टुङ्गो , कांग्रेसले १० र माओवादीले छ सिट पाउने [भिडियो]
एकीकृत समाजवादी असन्तुष्ट
हाम्रा कुरा
प्रकाशित २०८० पुष २२ आइतबार
447
Shares
काठमाडौँ । राष्ट्रिय सभाको १९ सिटमा सत्ता गठबन्धनमा सिट बाँडफाँट भएको छ ।
आइतबार प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले सिट बाँडफाँट टुङ्ग्याएको हो ।
बैठकमा सहभागी नेपाली कांग्रेसका प्रमुख सचेतक रमेश लेखकले १९ सिटमध्ये १० मा नेपाली कांग्रेस, ६ वटा नेपाल कम्युनिस्ट पार्टी (माओवादी केन्द्र), २ वटा नेपाल कम्युनिस्ट पार्टी (एकीकृत समाजवादी) र एउटा जनता समाजवादी पार्टी, नेपालले उम्मेदवारी दिने गरी टुङ्गो लागेको बताए ।
उनले भने, ‘राष्ट्रिय सभाको निर्वाचनको सन्दर्भमा सरकारमा संलग्न र सहयोगमा समर्थन गर्ने दलहरूका बीचमा संयुक्त रूपले उम्मेदवारी दिने विषय टुङ्गो लाग्यो । जम्मा १९ वटा पदका लागि १० वटा स्थानमा नेपाली कांग्रेसले, ६ वटा नेपाल कम्युनिस्ट पार्टी (माओवादी केन्द्र), २ वटा नेपाल कम्युनिस्ट पार्टी (एकीकृत समाजवादी) र एउटा जनता समाजवादी पार्टी, नेपालले उम्मेदवारी दिने गरी टुङ्गो लागेको छ ।
तदनुरूप अहिलेको गठबन्धनले उम्मेदवारी दिनेछ । आफ्नो आफ्नो पार्टीमा बसेर अब छलफल गर्छौँ र क्लस्टरका बारेमा पनि धेरै ठाउँमा टुङ्गो लागिसकेको छ, एक दुई ठाउँमा छलफल गरेर टुङ्गो लाग्नेछ ।’
प्रमुख सचेतक लेखकले क्लस्टरका बारेमा पनि धेरै ठाउँमा टुङ्गो लागिसकेको र बाँकी रहेका स्थानमा पार्टीमा छलफल गरेर टुङ्गो लगाउने बताए।
सिट बाँडफाँटमा सहमति भए पनि एकीकृत समाजवादी आफूले पाउने सिटप्रति असन्तुष्ट छ ।
