-
-
-
-
काठमाडौँ । मध्यपूर्वमा बढ्दो तनावका बीच मस्कोले बिहीबार इरान र इजरेलसँग संयमता अपनाउन आग्रह गरेको छ ।
दुई इरानी जनरलको मृत्यु हुने गरी यसै महिनाको सुरुमा भएको हमलालाई लिएर तेहरानले इजरेलविरुद्ध नयाँ धम्की जारी गरेको छ ।
त्यसपछि अमेरिकी राष्ट्रपति जो बाइडेनले बुधबार इजरेलका लागि ‘कडा’ समर्थनको प्रतिज्ञा गरेका छन् ।
क्रेमलिनका प्रवक्ता दिमित्री पेसकोभले पत्रकारहरूसँग भने, “यस क्षेत्रलाई अस्थिर हुन नदिन सबैले संयमता अपनाउन अत्यन्तै महत्त्वपूर्ण छ ।”
रुसले पहिला गाजामा छ महिनाको युद्धमा इजरेलको आचरणको निन्दा गरेको थियो ।
मस्कोले परम्परागतरूपमा मध्यपूर्वका सबै प्रमुख शक्तिसँग सम्बन्ध कायम राख्ने प्रयास गरेको थियो । यद्यपि गाजा युद्धले इजरेलसँग उसको सम्बन्धलाई बिग्रिएको छ र उसले पहिलादेखि नै इरानसँग सैन्य र राजनीतिक सम्बन्धलाई सुदृढ बनाइरहेको छ ।
दुवै कट्टर प्रतिद्वन्द्वीबीच सम्भावित मध्यस्थताका रूपमा रुससँग सम्पर्क नगरिएको पेसकोभले बताए ।
