-
-
-
-
काठमाडौँ । नेपालले यूएईसँगको सेमिफाइनलमा ब्याटिङको निम्तो पाएको छ । ओमानमा जारी एसीसी प्रिमियर कप टी–२० क्रिकेट प्रतियोगिताको सेमिफाइनलमा नेपालले टस हारेपछि ब्याटिङको निम्तो पाएको हो ।
ओमानको अल अमिरत क्रिकेट ग्राउन्डमा टस जितेर यूएई बलिङमा उत्रिएको छ ।
आजको खेलमा नेपाली टिममा एक खेलाडी परिवर्तन भएका छन् । प्रतिश जिसीको स्थानमा सोमपाल कामी टिममा भित्रिएका छन्।
नेपाल र यूएई एसोसिएट्स देशका चिरपरिचित प्रतिद्वन्द्वी मानिन्छन् । यी दुई बीचको खेललाई एसोसिएट देशको क्लासिको समेत भनिन्छ ।
नेपाल र यूएईबीच अहिलेसम्म ९ टी–२० खेल भएका छन् । जसमा नेपालले ५ खेल जितेको छ भने यूएईले ४ खेल जितेको छ ।
यस प्रतियोगिताको विजेताले सन् २०२५ मा हुने टी–२० एसिया कपमा खेल्न पाउने छ भने शीर्ष तीन देश एसीसी इमर्जिङ टिम्स एसिया कपमा छनोट हुने छन् ।
