माओवादी लडाकुलाई गणतान्त्रिक सम्मान दिइने, भत्ता दिन शान्ति कोष स्थापना
हाम्रा कुरा
प्रकाशित २०८१ जेठ १ मंगलबार
2.9k
Shares
काठमाडौँ । सरकारले माओवादी लडाकुहरुलाई गणतान्त्रिक सम्मान दिने कार्यक्रम घोषणा गरेको छ । आर्थिक वर्ष २०८१–८२ को नीति तथा कार्यक्रम सम्बोधन गर्दै राष्ट्रपति रामभन्द्र पौडेलले यो कार्यक्रम घोषणा गरेका हुन् ।
आगामी वर्षका लागि तय गरिएको सरकारको कार्यक्रममा सशस्त्र युद्धमा घाइते तथा अपांगता भएकालाई जीवन निर्वाह भत्ता तथा पीडितलाई आर्थिक सहायता दिने व्यवस्था गरिने जनाइएको छ ।
यसको लागि शान्ति कोषको स्थापना गरिने समेत सरकारको नीति तथा कार्यक्रममा उल्लेख गरिएको छ ।
त्यस्तै अपांगता भएका तथा घाइतेलाई निःशुल्क उपचार गर्न ट्रमा सेन्टर र वीर अस्पताललाई डेडिकेटेड अस्पतालको रुपमा तोक्ने घोषणा समेत सरकारले गरेको छ ।
