-
-
-
-
काठमाडौँ । अमेरिका र वेष्ट इन्डिजको संयुक्त आयोजनामा भइरहेको टी–२० विश्वकप क्रिकेटमा क्यानाडाले सनसनीपूर्ण जित हासिल गरेको छ । न्यूयोर्कमा शुक्रबार राति भएको खेलमा क्यानाडाले आयरल्याण्डमाथि १२ रनको सनसनीपूर्ण जित हासिल गरेको हो ।
पहिले ब्याटिङ गरेको क्यानाडाले ७ विकेटको क्षतिमा १३७ रन बनायो । निकोलस किर्टोनले ३५ बलमा ४९ रन बनाए । त्यस्तै श्रेयस मोभ्वाले ३६ बलमा ३७ रन बनाए । क्रेग यङ्ग र ब्यारि म्याक्कार्थीले २–२ विकेट लिए ।
जवाफमा आयरल्याण्डले ७ विकेटको क्षतिमा १२५ रनमात्र बनाउन सक्छौँ । मार्क आदैरले २४ बलमा ३४ तथा जर्ज डक्रेलले २३ बलमा अविजित रहँदै ३० रन बनाए । जेरेमी जोर्डन र डाइलन हेलिगरले समान २–२ विकेट लिए ।
यो जितसँगै समूह एबाट अमेरिका ४ अंकसहित पहिलो, भारत २ अंकसहित दोस्रो र क्यानाडा २ अंकसहित तेस्रो स्थानमा छ ।
अमेरिकासँग सुपर ओभरमा पराजित भएको पाकिस्तान र आयरल्याण्डले भने अंक जोडेका छैनन् ।
