टी–२० विश्वकपमा श्रीलंकामाथि बंगलादेशको संघर्षपूर्ण २ विकेटको जित

हाम्रा कुरा

प्रकाशित २०८१ जेठ २६ शनिबार

काठमाडौँ । अमेरिका र वेष्ट इन्डिजको संयुक्त आयोजनामा भइरहेको टी–२० विश्वकप क्रिकेटमा बंगलादेशले विजयी शुरुआत गरेको छ ।

शनिबार बिहान डालासमा भएको खेलमा बंगलादेशले श्रीलंकामाथि २ विकेटको संघर्षपूर्ण जित हासिल गरेको हो ।

बलरहरु हावी भएको खेलमा टस हारेर पहिले ब्याटिङ गरेको श्रीलंकाले ९ विकेटको क्षतिमा १२४ रन बनायो । पथुम निसंकाले २८ बलमा ४७ तथा धनञ्जय डे सिल्भाले २६ बलमा २१ रन बनाए ।

मुस्तफिजुर रहमान र रशद हुसेनले समान ३–३ विकेट लिए ।

जवाफमा बंगलादेशले १९ ओभरमा ८ विकेटको क्षतिमा जित हासिल गर्यो ।

बंगलादेशका लागि टहिड हृदयले २० बलमा ४० तथा लिटिन दासले ३८ बलमा ३६ रन बनाए । त्यस्तै महमुल्लालले रन बनाए बाहेक अन्य कुनै पनि खेलाडीले दाहोरो स्कोर खडा गर्न सकेनन् । नुवान थुसराले १८ रन खर्चेर ४ विकेट लिए ।

समूह डीमा श्रीलंका यसअघि दक्षिण अफ्रिकासँग पराजित भएको थियो । बंगलादेशले पहिलो खेल खेलेको हो । त्यस्तै नेपाल नेदरल्याण्ड्ससँग पराजित भएको थियो ।