काठमाडौँ । अमेरिका र वेष्ट इन्डिजको संयुक्त आयोजनामा भइरहेको टी–२० विश्वकप क्रिकेटमा अहिले अष्ट्रेलिया र नामिबिया खेलिरहेका छन् ।
एन्टिगुवाको सर भिभिएन रिचर्डस् स्टेडियममा अष्ट्रेलियाले टस जितेर पहिले फिल्डिङ गर्दै नामिबियालाई ७२ रनमा रोकेको छ ।
नामिबियाले १७ ओभरमा सबै विकेट गुमाएर ७२ रनमात्र बनाएको हो । कप्तान जेरार्ड इरास्मसले ४३ बलमा ३६ रन बनाए । त्यस्तै माइकल भान लिंगेन १० रन बनाए भने बाँकी कुनै खेलाडीले दोहोरो स्कोर खडा गरेनन् ।
अष्ट्रेलियाका लागि एडम जम्पाले १२ रन खर्चेर ४ तथा जोश हाज्लेवुड र मार्कस स्टोइनिसले २–२ विकेट लिए ।
यो खेल जित्दा अष्ट्रेलिया एक खेलअघि नै सुपर एटमा पुग्नेछ । हार्दा नामिबिया बाहिरिने पक्का छ ।
अंक तालिका
समूह बीको खेलमा स्कटल्याण्ड ३ खेलबाट ५ अंकसहित शीर्ष स्थानमा छ । अष्ट्रेलिया २ खेलबाट ४ अंकसहित दोस्रो स्थानमा रहेको छ । नामिबिया २ खेलबाट २ अंकसहित तेस्रो स्थानमा छ ।
२ खेलबाट १ अंकसहित इङ्गल्याण्ड चौथो तथा ३ खेलबाट अंकविहीन ओमान पुछारमा छ ।