दक्षिण अफ्रिकाविरुद्ध नेपालले लियो दोस्रो विकेट, क्याच छोडेका भुर्तेलले लिए विकेट
हाम्रा कुरा
प्रकाशित २०८१ असार १ शनिबार
228
Shares
काठमाडौँ । अमेरिका र वेष्ट इन्डिजको संयुक्त आयोजनामा भइरहेको टी–२० विश्वकप क्रिकेटमा अहिले नेपाल र दक्षिण अफ्रिका खेलिरहेका छन् ।
वेष्ट इन्डिजको किंग्सटाउनमा नेपालले टस जितेर पहिले बलिङ गरेको छ । २२ रन जोड्दा दक्षिण अफ्रिकाले पहिलो विकेट गुमायो भने ६८ रन जोड्दा दोस्रो विकेट गुमायो ।
नेपालका लागि पहिलो विकेट दिपेन्द्र सिंह ऐरीले लिए भने दोस्रो विकेट कुशल भुर्तेलले लिए । दीपेन्द्र सिंह ऐरीले गरेको बलिङ आफैँ क्याच गरेका थिए ।
भुर्तेलले कप्तान एडन मार्करमलाई बोल्डआउट गरेका हुन् । उनै भुर्तेलले अघिल्लो ओभरमा क्याच छुटाएका थिए ।
नेपालले पहिलो पटक दक्षिण अफ्रिकासँग खेलिरहेको हो ।
समूह डीबाट दक्षिण अफ्रिका यसअघिका तीन वटै खेल जितेर सुपर एटमा पुगिसकेकोछ भने नेपालले पहिलो खेलमा नेदरल्याण्डसँग हार बेहोरेको थियो भने श्रीलंकासँगको दोस्रो खेल वर्षाले रद्द भएको थियो ।
सुपर एट प्रवेशका लागि सम्भावना जीवितै राख्न नेपाललाई आजको खेल जित्नैपर्ने दबाब छ ।
