-
-
-
-
काठमाडौँ । हिमालयन बैंकले त्रिपुरेश्वरमा रहेको शाखा स्थानान्तरण गरेको छ । सिभिल बैंकलाई प्राप्ति गरेपश्चात हिमालयन बैंक लिमिटेडले त्रिपुरेश्वर शाखालाई थापाथलीमा स्थानान्तरण गरेको हो ।
थापाथली शाखाको नामबाट सम्पूर्ण बैंकिङ सेवा आइतबारदेखि प्रदान गर्ने गरी बैंकले शाखा सञ्चालनमा ल्याएको हो । उक्त शाखाको उद्घाटन बैंकका प्रमुख कार्यकारी अधिकृत अशोक शमशेर राणाले बैंकका अन्य कर्मचारीहरूको उपस्थितिमा गरे ।
यसैगरी बैंकले नारायणगढ शाखालाई पनि स्थानान्तरण गरी भरतपुर महानगरपालिका वडा नं १ मेन रोड नारायणगढबाट आइतबारैदेखि मेन रोड शाखा, नारायणगढको नामबाट सम्पूर्ण बैंकिङ सेवा प्रदान गर्ने गरी सञ्चालनमा ल्याएको छ ।
बैंकले देशैभर आवश्यकताअनुसार शाखा स्थानान्तरणको क्रमलाई जारी राखेको छ ।
