जिम्बाब्वेविरुद्ध भारतको लगातार तेस्रो जित, एक खेलअघि नै श्रृंखला कब्जा

हाम्रा कुरा

प्रकाशित २०८१ असार २९ शनिबार

काठमाडौँ । भारतले जिम्बाब्वे विरुद्धको टी–२० लगातार तेस्रो जित हासिल गरेको छ । श्रृंखलाको चौथो खेलमा भारतले १० विकेटले जित हासिल गरेको हो ।

जिम्बाब्वेको हरारेमा शनिबार जिम्बाब्वेले दिएको १५३ रनको लक्ष्य पछ्याएको भारतले कुनै विकेट नगुमाई १५.२ ओभरमा लक्ष्य पूरा गरेको थियो । भारतका लागि यशस्वि जैसवालले अविजित ९३ रन बनाएका थिए भने शुभमन गिलले अविजित ५८ रन बनाएका थिए ।

यसअघि जिम्बाब्वेले पहिला ब्याटिङ गर्दै २० ओभरमा ७ विकेट गुमाएर १५२ रन बनाएको थियो । यो जितपछि भारतले ५ खेलको श्रृंखला ३–१ ले जितेको छ ।