नेपाल समूह विजेता बन्दै साफ यू–२० को सेमिफाइनलमा [फोटोफिचर]
हाम्रा कुरा
प्रकाशित २०८१ भदौ ६ बिहिबार
471
Shares
काठमाडौँ । काठमाडौँमा जारी साफ यू–२० च्याम्पियनशिप अन्तर्गत नेपालले बंगलादेशलाई पराजित गरेको छ । सातदोबाटोस्थित एन्फा कम्प्लेक्समा सम्पन्न खेलमा नेपालले बंगलादेशलाई २–१ गोल अन्तरले पराजित गरेको हो ।
नेपालको जितमा समीर तामाङ र निराजन धामीले एक एक गोल गरेका थिए भने बंगलादेशका मिराजुल इस्लामले एक गोल फर्काएका थिए ।
यो जितपछि नेपाल समूह ए को विजेता बन्दै सेमिफाइनलमा पुगेको छ । नेपालले आफ्नो पहिलो खेलमा श्रीलंकालाई पराजित गरेको थियो ।
अब शुक्रबार समूह चरणको अन्तिम खेल समूह बी को भारत र माल्दिभ्सबीच हुँदैछ । सेमिफाइनलको समीकरण शुक्रबारको सो खेलपछि हुने भएको छ ।
समूह बी बाट भारत र भुटानले एक एक खेल जितेका छन् भने माल्दिभ्सले एक खेलमा हार बेहोरेको छ ।
सेमिफाइनलमा नेपालले समूह बी को उपविजेतासँग खेल्नेछ ।
