सांसद शर्माको केएमसीको टोली कर्मचारी संचय कोषमा, ३०४ को उपचार [तस्बिर]
हाम्रा कुरा
प्रकाशित २०८१ भदौ ८ शनिबार
592
Shares
काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले कर्मचारी संचय कोषमा निःशुल्क स्वास्थ्य शिविर गरेको छ ।
कर्मचारी संचय कोषको आयोजनामा कोषको प्राङ्गणमा भएको शिविरमा ३०४ बिरामीको उपचार गरिएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
बिरामीमध्ये ६८ जनाको भिडियो एक्सरे, ९२ जनाको ईसीजी, १३२ जनाको ल्याब परीक्षण र ४८ जनाको इको गरिएको थियो ।
२० जनाको दाँत निकालिएको थियो । ३० जनालाई शल्यक्रियाका लागि केएमसीमा रेफर गरिएको छ ।
उक्त परीक्षण कार्यक्रममा सहभागी भएका डा. शर्माले स्वास्थ्य शिविरको उद्घाटन गर्नुका साथै मन्तव्यसमेत दिएका थिए ।
उनले शल्यक्रियाका लागि रेफर गरिएका सबैको निःशुल्क शल्यक्रिया गरिने पनि बताए ।
डा. शर्माले सम्हालेपछि केएमसीले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
