केएमसी र नोबेलको टोली बसबरियामा, साढे ११ सय बिरामीको उपचार [फोटोफिचर]

हाम्रा कुरा

प्रकाशित २०८१ असोज ४ शुक्रबार

काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) र नोबेल मेडिकल कलेजेको संयुक्त स्वास्थ्य टोलीले सर्लाहीको बसबरियामा निःशुल्क स्वास्थ्य शिविरको आयोजना गरेको छ ।

त्रिभुवन माध्यमिक विद्यालयको प्राङ्गणमा भएको उक्त शिविरमा १ हजार १३७ बिरामीको निःशुल्क उपचार गरिएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।

बिरामीमध्ये १६२ जनाको भिडियो एक्सरे, ४५ जनाको ईसीजी, ५७ जनाको ईको तथा ६६ जनाको ल्याब परीक्षण गरिएको थियो ।

त्यस्तै ७ जनाको दाँत खोलिएको थियो ।

त्यस्तै १०६ जनालाई शल्यक्रियाका लागि रेफर गरिएको छ । शल्यक्रिया गर्नुपर्नेमध्ये केएमसीमा आउनेलाई निःशुल्क तथा विराटनगरस्थित नोबेल मेडिकल कलेजमा जाँदा ५० प्रतिशत छुट हुने दाहालले बताए ।

डा. शर्माले सम्हालेपछि केएमसीले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।