क्यानाडामा खराब खेलेको नेपालको आईसीसी वरीयता खस्कियो

हाम्रा कुरा

प्रकाशित २०८१ असोज ९ बुधबार

cricket-nepal-2=81-5-25t.jpg — तस्बिर – फाइल ।

काठमाडौँ । अन्तर्राष्ट्रिय क्रिकेट परिषद् आईसीसीको एक दिवसीय वरीयतामा नेपाल एक स्थान तल झरेको छ । आईसीसीको नयाँ वरीयतामा एक दिवसीय क्रिकेटमा लगातार हार बेहोरेको नेपाल १७ औँ स्थानमा पुगेको हो । यसअघि नेपाल १६औँ स्थानमा रहेको थियो ।

त्यस्तै पछिल्ला खेलहरुमा जित हासिल गरेको क्यानाडाले भने चार स्थान सुधार गर्दै १५औं स्थानमा उक्लिएको छ ।

त्यस्तै अमेरिका एक स्थान उक्लिएर नेपाल भन्दा अगाडि १६औँ स्थानमा रहेको छ । त्यस्तै खराब प्रदर्शन गरिरहेको नामिबिया तीन स्थान तल झरेर १८औँ स्थानमा पुगेको छ भने ओमान एक स्थान तल झरेर १९औँ स्थानमा पुगेको छ ।