-
-
-
-
काठमाडौँ । अफगानिस्तानले इमर्जिंग टिम्स एसिया कपको उपाधि जितेको छ । ए टिमले भाग लिएको यस प्रतियोगितामा अफगानिस्तानले श्रीलंकालाई ७ विकेटले पराजित गर्दै पहिलो पटक यो उपाधि जितेको हो ।
शनिबार ओमानमा सम्पन्न फाइनल खेलमा श्रीलंकाले दिएको १३४ रनको लक्ष्य पछ्याएको अफगानिस्तानले १८.१ ओभरमा ३ विकेट गुमाउँदै लक्ष्य पूरा गरेको थियो । यसअघि पहिला ब्याटिंग गरेको श्रीलंकाले २० ओभरमा ७ विकेट गुमाउँदै १३३ रन बनाएको थियो ।
अफगानिस्तानले सेमिफाइनलमा भारतलाई हराएको थियो । श्रीलंकाले पाकिस्तान साहिन्सलाई हराएको थियो ।
