सञ्चारग्राममा फोटो पत्रकार रजेन्द्र केसीको सम्झनामा दीप प्रज्ज्वलन [तस्बिर]
हाम्रा कुरा
प्रकाशित २०८१ कार्तिक २९ बिहिबार
173
Shares
काठमाडौँ । फोटो पत्रकार रजेन्द्र केसीको १३ दिनको पुण्य तिथिमा उनको सम्झनामा दीप प्रज्ज्वल गरी श्रद्धाञ्जली अर्पण गरिएको छ । फोटोपत्रकार क्लबका पूर्व कोषाध्यक्ष केसीको सम्झनामा सञ्चारग्राममा रहेको पत्रकार–स्तम्भ अगाडि उनको सम्झनामा दीप प्रज्ज्वल गरी श्रद्धाञ्जली दिइएको हो ।
केसीको सम्झनामा प्रेस काउन्सिल नेपालका अध्यक्ष बालकृष्ण बस्नेत, उनका पूर्वसहकर्मी, सम्पादक, फोटो पत्रकार, खेलकुद पत्रकार एवं लगायतले श्रद्धाञ्जली दिएका थिए ।
केही समयदेखि क्यान्सरको उपचार गराइरहेका केसीको उपचारको क्रममा २०८१ कात्तिक १७ गते अमेरिका निधन भएको थियो ।
“र केसी” उपनामले पनि चिनिएका केसी राजधानी दैनिक, अन्नपूर्ण पोस्ट लगायतका विभिन्न दैनिकहरूमा करिब २ दशक फोटो पत्रकारितामा सक्रिय थिए ।
६ वर्ष यतादेखि उनले अमेरिकालाई कार्यक्षेत्र बनाएर सक्रिय रहेका थिए ।
