बेइजिङ। अक्टोबरको राष्ट्रिय दिवस सप्ताह र नोभेम्बरको "डबल ११" बिदा समावेश गर्ने व्यस्त छुट्टीको मौसममा पनि चिनियाँ उपभोक्ताहरूले पैसा बचत गर्न थालेका छन्। जसबाट होटेल उद्योगलाई धेरै सङ्घर्ष गरे भने यसको कारणले चीनको अर्थतन्त्र कमजोर हुँदै गइरहेको सकेट गर्न थालिएको छ।
अक्टोबर एक देखि अक्टोबर ७ सम्मको राष्ट्रिय दिवसको बिदा पछि होटेलहरूमा भयङ्कर मूल्य युद्ध सुरु भएको छ। जसलाई केही उद्योग व्यवसायीहरूले "सबैभन्दा खराब सुनौलो हप्ता" भनेका छन्। अक्टोबर १५ मा, ट्राभल वेबसाइट सी-ट्रिपले "शून्य युआन अर्डरहरू" र होटेल प्याकेजहरूमा ठूलो छुटहरू प्रदान गर्दै डबल ११ को लागि "अहिले स्टक अप गर्नुहोस्, पछि तिर्नुहोस्" प्रकारका प्रमोसन सुरु गर्दा पनि उपभोक्ताहरूको चासो कम देखियो।
चिनियाँ अनलाइन ट्राभल एजेन्सी फ्लिगीले अक्टोबर २१ मा आफ्नो "डबल ११ सेल" सुरु भएको १० मिनेटभित्रै ९९९ युआन (१४० डलर) मा एक लाख तीन रात होटेल प्याकेजहरू बेचे। बिदाको सिजन अगाडी एक आक्रामक मूल्य युद्धले चिन्ता बढाइरहेको छ। विश्वभर १० हजार होटेल सञ्चालन गर्ने एच वर्ल्ड ग्रुपका संस्थापक जीक्यूले अत्यधिक छुटले प्रतिस्पर्धालाई हानि पुर्याउने चेतावनी दिएका छन्। सांघाईका एक होटेल कर्मचारीले होटेल टेकको रिपोर्टलाई उद्धृत गर्दै आर्थिक अवस्थाका कारण गत वर्षको तुलनामा यो वर्षको बजार कमजोर रहेको बताए।
उनले भने कि होटेलको भाडा घटेको छ। पहिले एक रातको ५०० युआन (७० डलर) को कोठाहरू अब एक रातको ३०० युआन (४२ डलर) भाडामा छन्। तर, चार तारे र पाँचतारे होटेलले सुविधा घटाउँदै गएकाले गुणस्तरमा ह्रास आएको पनि उनले बताए।
राष्ट्रिय दिवस बिदाको हप्तामा पर्यटक आगमन बढे पनि चीनमा व्यापक उपभोगमा आएको गिरावटका कारण वित्तीय प्रदर्शन निराशाजनक थियो। चिनियाँ भाषाको अखबार वर्ल्ड जर्नलले रिपोर्ट गरेझैँ केही पर्यटन उद्योग व्यवसायीहरूले यसलाई इतिहासको "सबैभन्दा खराब राष्ट्रिय सुनौलो हप्ता" भनेर वर्णन गरे। चीनको संस्कृति तथा पर्यटन मन्त्रालयको आधिकारिक तथ्याङ्कले बिदाका समयमा ७६ करोड ५० लाख मानिसले आन्तरिक यात्रा गरेको देखाएको छ। कोभिड महामारी हुनुभन्दा ठिक अघि २०१९ को सोही अवधिको तुलनामा १०.२ प्रतिशतले बढेको छ। तर, खर्च ७.९ प्रतिशतले मात्र बढेको छ।
फ्लिगीको तथ्याङ्कमा आधारित, यस वर्षको राष्ट्रिय दिवसको बिदामा चीनमा माथिल्लो स्तरको होटेल बुकिङ गत वर्षको सोही अवधिको तुलनामा झन्डै ४० प्रतिशतले बढेको छ। तर, होटेल बुकिङको औसत मूल्य भने वर्षैपिच्छे करिब ६ प्रतिशतले घटेको छ। सेप्टेम्बरको अन्त्यमा, चाङ्सामा एक होटेल मालिकले आफ्नो सङ्घर्ष व्यक्त गर्न सोसल मिडियामा लगे, "यस मूल्यमा, एक प्रमुख स्थानमा पनि, हामी आधारभूत भाडा वहन गर्न सक्दैनौँ। म एउटा महत्त्वपूर्ण घाटाको सामना गरिरहेको छु र मलाई थाहा छैन कि हामी यसलाई कसरी कायम राख्न सक्छौँ।"
चिनियाँ होटेलहरूबीचको चर्को मूल्य युद्धको बाबजुद पनि यो उद्योग देशभर तीव्र गतिमा विस्तार भइरहेको छ। सोहु ट्राभलका अनुसार मार्च ३१ सम्म एच ग्रुपको सहायक कम्पनी ह्वाजु चाइनाले एक हजार २ सय ९० सहरमा ९ हजार ६ सय ८४ होटेल सञ्चालन गरेको छ। जुन गत वर्षको सोही अवधिको तुलनामा एक सय ५८ सहरले बढेको छ। चीनमा रहेका चीन मामिलाका पर्यवेक्षक वाङ हेले द इपोच टाइम्सलाई भने कि पर्यटकहरू कम बजेटमा यात्रा गर्ने भएकाले होटेलको मूल्य बढ्ने सम्भावना छैन। यस्तो अवस्थामा ठूला होटेल निर्माण र विस्तारको आलोचना गर्दै उनले यो अव्यवहारिक भएको बताए।
चिनियाँ अमेरिकी अर्थशास्त्री डेवी जेले वोङले द इपोक टाइम्सलाई भने अनुसार, चिनियाँ होटेल उद्योग अत्यधिक विस्तार र पुँजी-संचालित विकासबाट ग्रस्त छ। जसले गर्दा होटेलहरू केही क्षेत्रमा केन्द्रित भएका छन् र अत्यधिक प्रतिस्पर्धी भएका छन्। वोङले माग र आपूर्तिबीचको असन्तुलनभन्दा बाहिरका गम्भीर मुद्दाहरूलाई प्रकाश पारे। छोटो अवधिको भाडा, होमस्टे र बजेट आवासको बुद्धिसँगै उपभोगमा उल्लेख्य कमी आएको उनले बताए। यो परिवर्तनले पुँजी-लगानीमा निर्भर होटेलहरूलाई निम्न-स्तरीय विकल्पहरूसँग प्रतिस्पर्धा गर्न गाह्रो बनाएको छ। जसले गर्दा उद्योग भित्र प्रतिस्पर्धा बढेको छ।
चीनका धेरै होटेलहरूले आगामी तीनदेखि पाँच वर्षमा दिवालियापनको सामना गर्न सक्ने अनुमान गर्दै वोङले होटेल उद्योगमा महत्त्वपूर्ण परिवर्तनहरू हुने भविष्यवाणी गरे। टियानले द एपोच टाइम्सलाई भने कि घरेलु होटेलहरूले बाँच्नको लागि कर्मचारीहरू कटौती गरिरहेका छन्। “सरकारी वा कर्पोरेट सम्मेलन नभएमा होटेलहरूमा सम्बन्धित सम्पर्क र बिक्री विभागहरू खारेज गरिनेछ। खानपान आउटसोर्स गरिनेछ र होटेलहरूले अतिथि कोठा उपलब्ध गराउन मात्र ध्यान दिनेछन्,” उनले भने।
२०१८ मा चीन-अमेरिका व्यापार युद्ध सुरु भएदेखि विदेशी पर्यटकको कमीले चीनको होटेल उद्योगमा ठूलो चुनौती खडा गरेको छ। तियानले चीन र अमेरिकाबीचको बढ्दो तनाव साथै चीन र युरोपबीचको तनाव र रुस–युक्रेनी युद्धमा रुसलाई चिनियाँ सरकारले दिएको समर्थनले पश्चिममा चीनप्रतिको नकारात्मक धारणालाई टेवा दिएको बताए।
कडा तीन वर्षको शून्य-कोभिड नीतिले यो मुद्दालाई अझ गहिरो बनायो। जसले विदेशी पर्यटक, आगन्तुक, विद्यार्थी र लगानीमा तीव्र गिरावट आएको छ। पर्यटकलाई आकर्षित गर्न एकतर्फी भिसामुक्त प्रवेश नीति लागू गरे पनि उद्योगले अपेक्षित प्रोत्साहन पाउन सकेको छैन। "यो प्रभावहीन छ," वोंगले भने। उनले चिनियाँ सरकारको जापान र अमेरिकी विरोधी प्रचार र शिक्षाका साथसाथै बताए। विदेशीहरूमाथि हुने हिंसाका घटनाहरूले पनि नकारात्मक असर पार्न थालेको छ।
