टी–२० विश्वकप क्रिकेट खेल्ने महिला टोली आज मलेसिया जाँदै
हाम्रा कुरा
प्रकाशित २०८१ पुष २७ शनिबार
641
Shares
काठमाडौँ । आईसीसी यू–१९ महिला टी–२० विश्वकप क्रिकेट खेल्ने नेपाली टोली आज मलेसिया जाँदैछ । मलेसियामा हुन लागेको विश्वकप खेल्न जान लागेको नेपाली टोलीले नेपाल क्रिकेट संघ (क्यान) ले शुक्रबार टोलीको बिदाइ गरिसकेको छ ।
महेशप्रसाद रिजाल प्रशिक्षक रहेको टोलीको कप्तानी पूजा महतोले गर्नेछिन् । विश्वकप माघ ५ देखि २० सम्म मलेसियामा हुँदैछ । त्यसअघि वार्मअप हुँदैछ ।
नेपालले वेष्ट इन्डिज र अमेरिकासँग वार्मअप खेल्नेछ ।
१६ टोली सहभागी हुने विश्वकपको समूह ‘डी’ मा नेपालसहित अस्ट्रेलिया, बंगलादेश र स्कटल्यान्डको टिम रहेका छन् । नेपालका लागि बंगलादेशबाहेक अन्य भने नयाँ प्रतिद्वन्द्वी टोली हुन् ।
नेपालले माघ ५ बाट बंगलादेशसँग खेल्दै प्रतियोगिता शुरु गर्नेछ । यसैगरी नेपालले माघ ७ मा स्कटल्यान्ड र ९ मा अस्ट्रेलियासँग खेल्ने तालिका छ ।
