-
-
-
-
पोखरा । लायन्स अन्तर्राष्ट्रिय डिष्ट्रिक्ट ३२५ के नेपालको डिष्ट्रिक्ट गभर्नरमा दुर्गाप्रसाद हुमागाईं निर्वाचित भएका छन् ।
डिष्ट्रिक्ट पोखरामा सम्पन्न तेस्रो राष्ट्रिय महाधिवेशनले सञ्चार उद्यमी हुमागाईंलाई गभर्नरमा निर्वाचित गरेको हो ।
सफल मिडिया हाउसका सञ्चालक हुमागाई १९ वर्षदेखि लायन्समा सक्रिय छन् । उनी लायन्स क्लब अफ पोखरा पिस चौतारीका पूर्वअध्यक्ष हुन् ।
महाधिवेशनले प्रथम भाइस डिस्ट्रिक्ट गभर्नरमा रमेश अधिकारी र द्वितीय भाइस डिष्ट्रिक्ट गभर्नरमा विष्णुहरि फुयाँललाई निर्वाचित गरेको छ ।
गभर्नर हुमागाईले आफ्नो क्याविनेट सेक्रेटरीमा ट्रिजा ढकाल, डिष्ट्रिक्ट ट्रेजररमा रामकुमार लामिछाने, डिष्ट्रिक्ट चिफ एड्भाइजरमा टीकाराम सापकोटा, डिष्ट्रिक्ट चिफ पिआरोमा शैलेन्द्र दाहाल र डिष्ट्रिक्ट चिफ एडमिनिष्ट्रेटरमा हसन कुमार गोपालीलाई मनोनित गरेका छन् ।
गभर्नर हुमागाईंले आफ्नो कार्यकाललाई स्वर्णिम र स्मरणीय वर्ष बनाउने प्रतिवद्धता जनाएका छन् ।
