काठमाडौँ । युगाण्डामा जारी चार देशीय टी–२० क्रिकेट श्रृंखलामा नेपालले आज आयोजक युगाण्डाको सामना गर्दैछ ।
खेल नेपाली समय अनुसार अपरान्ह ४ः४५ बजेदेखि शुरु हुनेछ । पहिलो चरणको खेलमा नेपालले युगाण्डामाथि मात्र संघर्षपूर्ण जित हासिल गरेको थियो । सोअनुसार आज पनि विजयी प्रदर्शन गर्ने आशा गर्न सकिन्छ ।
तर जारी श्रृंखलामा नेपालले निरश प्रदर्शन गरिरहेको छ । नेपालले खेलेका ४ खेलमा १ जित र ३ हार बेहोरेको छ । नेपालले यसअघि नामिबियासँग दुवै खेल र हङकङसँग एक खेलमा हार बेहोरेको थियो ।
यो खेलपछि अब नेपालले भोलि हङकङविरुद्ध खेल्ने तालिका रहेको छ ।
त्यसपछि मार्च १६ मा अंक तालिकामा पहिलो र दोस्रो हुने तथा तेस्रो र चौथो हुने देशबीच खेल हुने तालिका रहेको छ ।
