तनहुँ । तनहुँको बन्दीपुरमा चितुवाको आक्रमणबाट एक बालिकाको मृत्यु भएको छ । शुक्रबार साँझ करिब ६ः३० बजे बन्दीपुर गाउँपालिका वडा नं २ कामीडाँडाकी १० वर्षीया अनुजा विकको चितुवाको आक्रमणबाट मृत्यु भएको हो ।
इसुव विकको छोरी साँझ आफ्नै घरबाट छिमेकी दिदीको घरमा जाने क्रममा एक्कासि चितुवाले आक्रमण गरेको थियो ।
बन्दीपुर गाँउपालिका वडा नं २ का वडाअध्यक्ष तीलकबहादुर कुँवरका अनुसार घरदेखि अन्दाजी सात सय मिटर तल विकको शव फेला परेको हो ।
बन्दीपुर गाँउपालिका वडा नं २ मा पहिलोपटक चितुवाको आक्रमणबाट मानिसको ज्यान गएको वडाध्यष कुँवरले जानकारी दिए ।
