झापा । झापाको कनकाई नगरपालिका ५ तल्लो चाप्रामारीस्थित सुरुङ्गा–झापा सडकखण्डमा सोमबार बिहान प्रहरीले दुई राउन्ड गोली चलाएको छ ।
बिआर ३७९१९८ नम्बरको भारतिय नम्बर प्लेटको मोटरसाइकलमा सवार कारोबारीलाई पक्राउगर्न गोली चलाइएको झापा जिल्लाका प्रहरी प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिएका छ्न् ।
गोली चलाएपछि मोटरसाइकल छोडेर कारोबारी भागेको खड्काले बताए । मोटरसाइकलबाट प्रहरीले २०० ग्राम ब्राउनसुगर बरामद गरेको छ ।
‘मोटरसाइकल रोकी चेकजाँचका क्रममा कारोबारी भागेपछि गोली चलाइएको जिल्ला प्रहरीले जनाएको छ ।
कारोबारी भागेपछि थ्री नट थ्री राइफलबाट प्रहरीले दुई राउन्ड गोली चलाएको थियो ।
