काठमाडौँ । काठमाडौँ जिल्ला अदालतले पत्रकार दिलभूषण पाठकलाई २५ हजार रुपैयाँ धरौटीमा छाड्न आदेश दिएको छ । विद्युतीय कारोबार ऐन अन्तर्गतको कसूरमा उनी बिहीबार आफैँ अदालतमा हाजिर भएका थिए ।
न्यायाधीश खेमराज भट्टको इजलासमा बयान र थुनछेक बहसपछि उनलाई धरौटीमा छाड्न आदेश दिइएको हो । साइबर ब्युरोको अनुसन्धान प्रतिवेदनका आधारमा जिल्ला सरकारी वकिलको कार्यालय काठमाडौँले उनीविरुद्ध गत सोमबार मुद्दा दायर गरेको थियो ।
‘नेपाली कांग्रेसका सभापति शेरबहादुर देउवाका छोरा जयवीरले आफ्नो चरित्र हत्या गरेको भन्दै पाठकविरुद्ध साइबर ब्युरोमा उजुरी दिएका थिए ।
यसअघि उच्च अदालत पाटनले दिलभूषणलाई पक्राउ नगर्न आदेश दिएको थियो ।
