बेलायतमा हालसम्मकै सबैभन्दा तातो, जलवायु परिवर्तन मुख्य कारण
हाम्रा कुरा
प्रकाशित २०८२ भदौ १८ बुधबार
1.7k
Shares
काठमाडौं । बेलायतको मौसम विभाग (मेट अफिस) ले सार्वजनिक गरेको प्रारम्भिक तथ्याङ्क अनुसार सन् २०२५ को गर्मीयाम बेलायतको इतिहासमा हालसम्मकै सबैभन्दा तातो साबित भएको छ।
जुन १ देखि अगस्ट ३१ सम्मको अवधिमा त्यहाँको औसत तापक्रम १६.१० डिग्री सेल्सियस मापन गरिएको छ, जसले सन् २०१८ को १५.७६ डिग्रीको अघिल्लो कीर्तिमानलाई तोडेको छ।
मेट अफिसकी मौसमविद् एमिली कार्लिसलका अनुसार, यो निरन्तर तापक्रम वृद्धिमा विभिन्न कारणहरूको भूमिका रहेको छ, जसले गर्दा वातावरणमा ताप जम्मा हुने र लामो समयसम्म कायम रहने अवस्था बनेको छ।
सन् २००० यता बेलायतमा सबैभन्दा तातो पाँचवटा गर्मीयामहरू मापन गरिएका छन्, जसलाई जलवायु परिवर्तनको गम्भीर सङ्केत मानिएको छ।
मौसमविद्हरूका अनुसार, यदि मानवनिर्मित हरितगृह ग्यासको प्रभाव नभएको भए, सन् २०२५ जस्तो गर्मीयाम ३४० वर्षमा एकपटक मात्रै देखिन सक्थ्यो। तर, अहिलेको अवस्थामा यस्तो तापक्रम करिब पाँच वर्षमै एकपटक देखिन सक्ने सम्भावना छ। यो प्राकृतिक अवस्थाको तुलनामा करिब ७० गुणा बढी हो।
