-
-
-
-
विराटनगर। मोरङ जिल्ला प्रशासन कार्यालयले आज दिनभरका लागि निषेधाज्ञा आदेश जारी गरेको छ। जेन-जी आन्दोलनले निम्त्याएको अशान्तिलाई ध्यानमा राख्दै यो निर्णय गरिएको हो।
प्रमुख जिल्ला अधिकारी इन्द्रदेव यादवले जानकारी दिएअनुसार, आज साँझ ६ बजेदेखि शुक्रबार बिहान ६ बजेसम्म जिल्लामा कर्फ्यू आदेश जारी रहनेछ। मोरङमा भदौ २४ गतेदेखि नै निषेधाज्ञा र कर्फ्यू लगाइएको छ।
पछिल्लो समय मोरङमा कुनै अप्रिय घटना नभएको र शान्ति सुरक्षा कायम गर्न नेपाली सेनाले सडक तथा टोलटोलमा गस्ती गरिरहेको प्रजिअ यादवले बताएका छन्।
