काठमाडौँ । काठमाडौँ महानगरपालिकाले काठमाडौँको विभिन्न चोकमा ६२ वटा हाइ मास्ट लाइट जडान कार्य शुरू गरेको छ । तीन वर्षदेखि विभिन्न कारणले रोकिएको उज्यालो महानगर योजना अन्तर्गत महानगरको करिब १० करोडको लागतमा ६२ वटा हाइ मास्ट लाइट जडानको गरेको हो ।
जसअन्तर्गत अहिलेसम्म सोह्रखुट्टे चोक, दरबारमार्गलगायत १२ स्थानमा लाइट बालिसकेको छ । दशैँअघि नै बाँकी सबै लाइट बाल्ने तयारीमा रहेको महानगरले बताएको छ ।
यसका साथै करिब ८५ करोडको स्ट्रिट लाइट खरिद तथा जडानको काम पनि अगाडि बढेको र यसै वर्षभित्र काठमाडौँ महानगर पूर्ण उज्यालो हुने अपेक्षासमेत महानगरले गरेको छ ।
