नक्सा र भवन सम्वन्धी अनियमितता राेक्न महानगरद्वारा कार्यदल गठन

प्रकाशित मिति : २०७३ माघ १९ बुधबार
काठमाडौं । काठमाडौं महानगरपालिकाले भवन निर्माण तथा नक्सा स्वीकृतिको विषयमा छानविन गर्नको लागि कार्यदल गठन गरेको छ । बुधबार हाम्राकुरा डटकमले महानगरपालिकाले जारीगरेको भवन निर्माण सम्पन्न प्रमाणपत्र र प्रमाणपत्रमा उल्लेख गरिएको भन्दा ३ तल्ला बढी रहेको घरको तस्वीर सहित समाचार प्रकाशित गरेपछि समिति गठन गरेको हो । 
 
यस विषयमा देखिएका समस्याहरुको विषयमा छानविन गर्न भवन निर्माण इजाजत महाशाखा प्रमुख राम थापाको संयोजकत्वमा ७ सदस्यीय कार्यदल गठन गरिएको महानगरका कार्यकारी प्रमुख रुद्र सिंह तामाङले जानकारी दिए । महानगरको बुधबार बसेको बोर्ड बैठकले महानगरपालिका क्षेत्रका भवनहरु निर्माण गर्दा इजाजत पाए अनुरुप भए नभएको अनुगमन गर्ने तथा अनियमितलाई नियन्त्रण गर्ने दायित्व सहित कार्यदल गठन गरेको हो । कार्यदलमा भवन इजाजत विभागबाट १ जना सदस्य सचिव, ४ जना इञ्जिनियर र १ जना नगर प्रहरी निरीक्षक बताईएको छ ।
 
त्यस्तै, नक्साको विषयमा संलग्न हुने वारेसहरुको काममा पनि कडाई गरिएको छ । प्रमुख तामाङका अनुसार अब कुनैपनि वडाबाट फाईल ल्याउने र लैजाने काममा महानगरका कर्मचारीहरुबाहेक अरुलाई संलग्न नगराउने निर्णय गरिएको छ । अब छिट्टै महानगर अनलाईन सेवामा जाने भएकोले यो व्यवस्था केही महिनाको लागि मात्रै रहेको उनले जानकारी दिए । 
 
 बुधबारको महानगरको बोर्ड बैठकका निर्णयहरु जस्ताको त्यस्तै तल प्रस्तुत गरिएको छ ः
No automatic alt text available.
No automatic alt text available.
 
No automatic alt text available.

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ