काठमाडौँ । भारतले तेस्रो टी–२० क्रिकेटमा अष्ट्रेलियामाथि शानदार जित हासिल गरेकोछ । होबार्टमा भएको खेल भारतले ५ विकेटले जितेको हो ।
१८७ रनको चुनौती भारतले १८.३ ओभरमै ५ विकेटको क्षतिमा पूरा गरेको हो ।
भारतका लागि वासिंगटन सुन्दरले अविजित रहँदै २३ बलमा ४९ रन बनाए । त्यस्तै छैटौँ विकेटका लागि सुन्दरसँग मिलेर ४३ रनको अविजित साझेदारी गर्ने क्रममा १३ बलमा २२ रन बनाए ।
त्यस्तै तिलक बर्माले २६ बलमा २९, अभिषेक शर्माले १६ बलमा २५ तथा सूर्यकुमार यादवले ११ बलमा २४ रन जोडे ।
यसअघि अष्ट्रेलियाले पहिले ब्याटिङ गर्दै ६ विकेटको क्षतिमा १८६ रन बनायो । टिम डेभिडले ३८ बलमा ७४ तथा मार्कस स्टोइनिसले ३९ बलमा ६४ रन जोडे ।
भारतका अर्शदीप सिंहले ३ विकेट लिए ।
यो जितसँगै भारतले पाँच खेलको श्रृंखलामा १–१ को बराबरी गरेको छ । पहिलो खेल वर्षाले रद्ध भएको थियो भने दोस्रो खेल अष्ट्रेलियाले जितेको थियो ।
