वृष-२०८३

२०८३ सालमा तपाईंका ग्रहस्थिति राम्रा छन्। गुरु अर्थात राशि परिवर्तनले तपाईंका लागि शुभकारक हुनेछ । जसले धन, मान, यश, प्रतिष्ठा आदि प्राप्त हुनेछ । नयाँ घर र वाहन (गाडी) जोड्ने योग पनि देखिन्छ। बन्धुबान्धवको सहयोग पाइनेछ ।
तर शनि ग्रहको अनुकुलताले जग्गाजमीनको विवाद वा न्यायालयको विवाद तपाईंकै पक्षमा आउनेछ । आकस्मिक लाभ पनि पाउने सम्भावना पनि छ। राज्यपक्षबाट सम्मान वा कुनै आर्थिक लाभ पनि पाइनेछ। सावधानीपूर्वक गरेका सबै कार्य सफल हुनेछ । जागिरमा उन्नति र व्यापारबाट पनि प्रशस्तै लाभ मिल्नेछ।  केतु ग्रहकाका कारण मावलीमा तनाव उत्पन्न गराउनेछ भने आफ्नी मातालाई केही कष्ट हुनेछ । मंसिर महिनाबाट राहु ग्रहका कारण धार्मिक कार्यमा अवरोध आउनेछ तर विद्यार्थीले परिश्रमपूर्वक अध्ययन गरेमा पर्याप्त सफलता मिल्नेछ ।

साथै वर्षको प्रारम्भमा बृहस्पति अनुकूल स्थानमा रहँदा आत्मविश्वास बढ्ने, नयाँ अवसरहरू प्राप्त हुने तथा आर्थिक क्षेत्रमा सुधार आउनेछ । मेहनत अनुसारको प्रतिफल प्राप्त हुने र दैनिकीमा स्थायित्व आउने सम्भावना देखिन्छ। विशेषगरी व्यापार, कृषि तथा स्थिर सम्पत्तिसँग सम्बन्धित कार्यहरूमा प्रगति हुनेछ। तर राहु-केतुको प्रभावका कारण कहिलेकाहीँ निर्णयमा अन्योलता र मानसिक तनाव बढ्न सक्ने भएकाले विवेकपूर्वक अघि बढ्न आवश्यक हुनेछ ।

वर्षको मध्यतिर बृहस्पतिको गोचर परिवर्तन हुँदा खर्च वृद्धि, पारिवारिक जिम्मेवारी बढ्ने तथा सन्तान पक्षबाट केही चिन्ता उत्पन्न हुन सक्छ । वैदेशिक कार्य वा लगानीतर्फ आकर्षण बढ्नेछ तर सोचविचार गरेर निर्णय लिनु उपयुक्त हुनेछ । शनिको प्रभावका कारण ढिलासुस्ती, कार्यमा अवरोध तथा मेहनत बढी गर्नुपर्ने अवस्था आउन सक्छ, तर धैर्यता राखेमा अन्ततः सफलता हात पर्नेछ ।

राहु लाभ भावतिर सक्रिय हुँदा वर्षको उत्तरार्धमा आम्दानीका नयाँ स्रोत खुल्ने, अधुरा काम सम्पन्न हुने तथा सामाजिक प्रतिष्ठामा वृद्धि हुने संकेत देखिन्छ। विशेषगरी असारपछि स्थिति क्रमशः सुधार हुँदै जानेछ । यो वर्ष जेठ, साउन र मङ्सिर महिना केही चुनौतीपूर्ण देखिन्छन् भने असार, कार्तिक, माघ र फागुन महिना विशेष रूपमा लाभदायी रहनेछन् ।

समग्रमा यो वर्षको

वैशाखः नयाँ कामको प्रारम्भ र उत्साह।
जेठः आर्थिक दबाब र मानसिक तनाव।
असारः धन लाभ र अवसर प्राप्ति।
साउनः पारिवारिक विवाद र खर्च वृद्धि।
भदौः सामान्य प्रगति।
असोजः कार्यसिद्धि र उपलब्धि।
कार्तिकः प्रतिष्ठा र लाभ।
मङ्सिरः स्वास्थ्यमा कमजोरी।
पुसः मिश्रित परिणाम।
माघः सफलता र आम्दानी वृद्धि।
फागुनः खुशी र पारिवारिक सुख।
चैतः खर्च वृद्धि तर कार्य सम्पन्न।

जागिरः

वृष राशिका व्यक्तिहरूका लागि यो वर्ष करियरका दृष्टिले उन्नतिको सम्भावना बोकेको छ । कार्यक्षेत्रमा नयाँ जिम्मेवारी प्राप्त हुने, पदोन्नति वा स्थानान्तरणको अवसर आउनेछ । सहकर्मी तथा उच्च अधिकारीबाट सहयोग प्राप्त हुनेछ । बीचमा केही अवरोध आए पनि अन्ततः मेहनतले सफलता दिलाउनेछ ।

आर्थिकः

आर्थिक पक्ष सामान्यदेखि राम्रो रहनेछ । वर्षको प्रारम्भमा आम्दानीमा सुधार देखिए पनि बीचतिर खर्च बढ्न सक्छ। व्यापार व्यवसाय विस्तार हुने, नयाँ लगानीका अवसर प्राप्त हुने तथा घरजग्गासम्बन्धी कार्यबाट लाभ हुने योग छ । तर अनावश्यक खर्च र जोखिमपूर्ण लगानीबाट टाढा रहनु राम्रो हुनेछ ।

अध्ययनः

विद्यार्थीहरूका लागि यो वर्ष मिश्रित रहनेछ । प्रारम्भमा राम्रो प्रगति भए पनि बीचमा ध्यान विचलन हुन सक्छ। परिश्रम र एकाग्रताले अन्तिम समयमा राम्रो सफलता दिलाउनेछ । वैदेशिक अध्ययनका लागि प्रयास गर्नेहरूलाई अवसर मिल्ने संकेत देखिन्छ ।

पारिवारिकः

पारिवारिक जीवन सामान्य रहनेछ । दाम्पत्य सम्बन्धमा समझदारी कायम हुनेछ । तर बीचतिर साना-साना विवाद उत्पन्न हुन सक्छन् । सन्तान पक्षबाट मिश्रित फल प्राप्त हुनेछ । आफन्तजनसँग सम्बन्ध सुदृढ राख्न धैर्य आवश्यक हुनेछ ।

प्रेम सम्बन्धः

प्रेम सम्बन्धमा प्रारम्भ राम्रो रहनेछ । सम्बन्ध सुदृढ हुने तथा विवाहको सम्भावना बन्ने देखिन्छ । तर बीचतिर गलतफहमीका कारण तनाव आउन सक्छ, त्यसैले संवादमा ध्यान दिनु आवश्यक छ ।

स्वास्थ्यः

स्वास्थ्यका दृष्टिले वर्ष मध्यम रहनेछ। घाँटी, मुख, पाचन प्रणाली तथा थकानसम्बन्धी समस्या देखिन सक्छ। नियमित व्यायाम, सन्तुलित आहार र आराममा ध्यान दिनु आवश्यक हुनेछ । शिवजीको आराधना तथा “ॐ नमः शिवाय” मन्त्र जप लाभदायी हुनेछ ।

प्रतिकूल महिनाः जेठ, साउन र मङ्सिर

अनुकूल महिनाः असार, कार्तिक, माघ र फागुन।

शुभ रंगः सेतो, हरियो र नीलो।

शुभ अंकः २, ६ र ९।

शुभ बारः सोमबार, शुक्रबार र बुधबार।

उपायः यस वर्ष ग्रहशान्तिका लागि शिवपूजा, लक्ष्मी-नारायणको आराधना तथा शुक्रबार व्रत बस्नु लाभदायी हुनेछ। गरिब तथा असहायलाई सेतो वस्त्र, चामल, दूध दान गर्नु शुभ मानिन्छ । साथै “ॐ शुक्राय नमः” मन्त्र जप तथा तुलसीको पूजा गर्दा सकारात्मक ऊर्जा वृद्धि हुनेछ ।