-
-
-
-
काठमाडौँ । नेपाली महिला क्रिकेट टिमले जापानमा हुने एसियन गेम्सको छनोटको सेमिफाइनल जितका लागि मलेसियालाई १२७ रनको चुनौती दिएको छ ।
मलेसियाको क्वालालम्पुरमा जारी सेमिफाइनलमा नेपालले टस जितरे ब्याटिङ गर्दै ६ विकेटको क्षतिमा १२६ रन बनायो । कप्तान इन्दू बर्माले ४१ बलमा अविजित रहँदै ४६ रन बनाइन् ।
कविता कुँवरले १५ बलमा ३३ रन बनाइन् ।
जवाफमा मलेसियाले शुरूआतमै विकेट गुमाएको छ ।
इन्डोनेसियालाई ४ विकेटले पराजित गर्दै नेपाल समूह विजेता बन्दै सेमिफाइनलमा पुगेको हो ।
पहिलो खेलमा नेपालले चीनलाई १९ रनले हराएको थियो । मलेसियाले बिहीबार नै सम्पन्न खेलमा हङकङलाई ३४ रनले हराउँदै सेमिफाइनलको यात्रा तय गरेको हो ।
यो खेलको विजेताले फाइनलमा थाइल्याण्डको सामना गर्नेछ । आजै भएको सेमिफाइनलमा थाइल्याण्डले चीनलाई पराजित गर्दै फाइनलमा स्थान बनाएको हो ।
थाइल्याण्ड ८३ रनले विजयी भयो । थाइल्याण्ड ३ विकेटको क्षतिमा १३७ रन बनाएकामा चीनले ५३ रनमात्र बनाउन सक्यो ।
