-
-
-
-
काठमाडौँ । नेपाली महिला क्रिकेट टिम जापानमा हुने एसियन गेम्सको छनोटको सेमिफाइनलबाटै बाहिरिएको छ । मलेसियाको क्वालालम्पुरमा भएको सेमिफाइनलमा नेपाल आयोजक मलेसियासँगै २ विकेटले पराजित भयो ।
१२७ रनको चुनौती मलेसियाले १८ ओभर ४ बलमै ८ विकेटको क्षतिमा पूरा गर्यो । एल्सा हन्टरले २४ बलमा ४८ रन बनाइन् ।
नेपालका लागि रिया शर्माले ३ तथा रुबिना क्षेत्री र मनिषा उपाध्यायले समान २ विकेट लिए ।
यसअघि नेपालले टस जितरे ब्याटिङ गर्दै ६ विकेटको क्षतिमा १२६ रन बनायो । कप्तान इन्दू बर्माले ४१ बलमा अविजित रहँदै ४६ रन बनाइन् ।
कविता कुँवरले १५ बलमा ३३ रन बनाइन् ।
इन्डोनेसियालाई ४ विकेटले पराजित गर्दै नेपाल समूह विजेता बन्दै सेमिफाइनलमा पुगेको थियो । पहिलो खेलमा नेपालले चीनलाई १९ रनले हराएको थियो ।
अब नेपालले तेस्रो स्थानका लागि आइतबार चीनसँगै खेल्नेछ ।
मलेसियाले फाइनलमा थाइल्याण्डको सामना गर्नेछ । सेमिफाइनलमा थाइल्याण्डले चीनलाई पराजित गर्दै फाइनलमा स्थान बनाएको हो ।
थाइल्याण्ड ८३ रनले विजयी भयो । थाइल्याण्ड ३ विकेटको क्षतिमा १३७ रन बनाएकामा चीनले ५३ रनमात्र बनाउन सक्यो ।
