दक्षिण एशियामा बढ्दै अलकायदाको स‌ंगठन !

प्रकाशित मिति : २०७४ असार ३० शुक्रबार

काठमाडौं । विश्व आतंकवादी संगठन अलकायदाको पछिल्लो समय दक्षिण एशियामा सक्रियता बढेको छ । २०१७ को पहिलो सात महिनामा नै यस क्षेत्रमा सयौं संख्यामा अलकायदाको सदस्याता बृद्धि भएको आतंकवाद विरोधी विशेषज्ञहरुले अमेरिकी संसद्लाई जानकारी दिएको समाचार वासिंटनबाट नवभारत टाइम्सले जानकारी दिएको छ । यो समस्या विशेषगरी अफगानिस्तान र वंगलादेशमा बढी रहेको बताईएको छ । 

सामरिक मामलाका विशेषज्ञ सेथ जी जोन्सका अनुसार २०१७ को यो समयसम्म अफगानिस्तानको हेलमन्द, कन्धार, जावुल, पख्तिया, गजनी तथा नूरिस्तान प्रान्तमा बढी चुनौती पूर्ण रहेको छ । यो वर्ष पछिल्लो ५/१० वर्षको भन्दा पनि बढी अलकायदाको सदस्यता बढी रहेको सूचना पनि अमेरिकी संसद्मा पुगेको छ । 

जोन्सले यो कुरा अमेरिकाको आतंकवाद तथा खुफिया मामलामा अमेरिकी संसद्को आन्तरिक सुरक्षा उपसमिति समक्ष बताएका हुन् । उनले अहिले वंगलादेशमा पनि आतंकवादी संगठनहरु सक्रिय रहेका छन् र अनेक खालका हमलाको धम्की दिईरहेका छन् । भारतीय उपमहाद्वीपका कतिपय ठाउँमा त मिडिया नै सञ्चालनमा ल्याएर विस्तारविस्तार आफ्नो प्रोपोगाण्डा चलाईरहेका छन् । 

उनका अनुसार आतंकवादी संगठनले अफगानिस्तान तथा पाकिस्तानमा कम हमला गरेका छन् । अफगानिस्तान पाकिस्तान तथा वंगलादेशलाई आफ्नो सुरक्षित स्थानको फाईदा उठाउँदै अलकायदा नेता आयमन अल(जवाहिरीले सेप्टेम्बर २०१४ मा दक्षिण एशियामा क्षेत्रीय संगठन सुरु गर्ने बताएका थिए । उनले भनेका थिए 'भारतीय उपमहाद्वीपमा जिहादको झण्डा बलन्द गर्दै पुरै उपमहाद्वीपमा स्लामिक शासन लागू गर्नको लागि अलकायदाको नयाँ शाखा 'कायदा अल जिहाद' शुरू गरिएको छ ।'

अमेरिकन इन्टरप्राईजेज इन्स्टिच्यूटका शोधार्थी कैरथिन जिम्मरमेनले सांसद्हरुलाई बताएका थिए कि अल जवाहिरीद्वारा नयाँ शाखा सुरु गर्ने घोषणा गरेसँगै सो क्षेत्रमा आतंककारी संगठन सक्रिय बनेको छ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ