हुवावेको नोभा ३ सार्वजनिक, यस्ता छन् विशेषता 

प्रकाशित मिति : २०७५ असार २७ बुधबार

काठमाडौं । चिनियाँ स्मार्टफोन निर्माता हुवावेले आफ्नो नोभा सेरिजको नयाँ उत्पादन नोभा ३ सार्वजनिक गरेको छ । चीनमा आयोजना गरिएको एक कार्यक्रममा कम्पनीले यो उत्पादन सार्वजनिक गरेको हो । कालो, निलो, सुनौलो र बैजनी रङ्गमा उपलब्ध हुने गरी कम्पनीले उक्त स्मार्टफोनहरु सार्वजनिक गरेको हो । 

अहिले सार्वजनिक गरिएको यो उत्पादनको बिक्री जुलाई २० देखि सुरु हुने बताइएको छ । हुवावेको नयाँ उत्पादनमा ६.३ इन्चको डिस्प्ले रहनेछ भने २३४०×१०८० को रेजुलेसन रहने बताइएको छ । यो उत्पादनमा कम्पनीको आफ्नै अक्टो कोर ९७० प्रोसेसरको प्रयोग गरिएको छ भने यसले ८.१ आरेओ अपरेटिङ सिस्टमका साथमा काम गर्नेछ । 

६ जीबी र्‍याम रहने स्मार्टफोनमा ६४ जीबी र १२८ जीबीको इन्टर्नल स्पेसको दुई विकल्प रहेको छ । यसमा दुईसय ५६ जीबीसम्मको माइक्रोएसडी कार्डको प्रयोग गर्न सकिन्छ । 

ड्युल रेयर क्यामेरा रहेको स्मार्टफोनमा १६ र २४ मेगापिक्सलका दुई क्यामेराहरु रहनेछन् भनेृ २४ मेगापिक्सलको फ्रन्ट क्यामेरा रहेको छ । फिंगरप्रिन्ट प्रविधिको पनि प्रयोग गरिएको यो स्मार्टफोनमा ३७५० एमएएचको ब्याट्रिको प्रयोग गरिएको छ । यो स्मार्टफोनमा ४जी, ३जी, वाईफाई, जीपीएस र यूएसबीलगायतका सुविधाहरु रहेको छ । (एजेन्सी)

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ